Azərbaycanda növbəti əfv fərmanının imzalanması gözlənilir

Azərbaycanda növbəti əfv fərmanının imzalanması gözlənilir
Qurban bayramı ərəfəsində əfv fərmanının imzalanması gözlənilir

Azərbaycan prezidenti yanında Əfv məsələləri üzrə Dövlət Komissiyasının üzvü, Milli Məclisin deputatı Məlahət İbrahimqızı bunu istisna etməyib.

Onun sözlərinə görə, əfv komissiyası daim fəaliyyətdə olan orqandır. Virtualaz.org-un əməkdaşı ilə söhbətində o deyib: “Ölkə prezidenti humanizm prinsiplərini əsas götürərək, mütəmadi olaraq bu cür aktlar imzalayır və mən istisna etmirəm ki, tezliklə əfvlə bağlı fərman imzalana bilər. Həmin sənədin Qurban bayramı ərəfəsində imzalanması da istisna edilmir”.

Əfv fərmanının Qərbin siyasi məhbus hesab etdiyi şəxslərə şamil edilib-edilməyəcəyi ilə bağlı suala cavab olaraq M.İbrahimqızı bildirib ki, konkret olaraq kimin azadlığa çıxacağı ona məlum deyil.

“İndi bu və ya digər şəxslərin adını çəkmək etikadan kənar olardı. Komissiyanın hüquqları ayrı-ayrı şəxslər üzrə rəylərin hazırlanması barədə qərarın qəbul edilməsi ilə məhdudlaşır. Tövsiyə xarakterli layihə hələlik hazır deyil, müzakirələr davam edir. Lakin bir şeyi deyə bilərəm ki, Azərbaycanda siyasi məhbus yoxdur. Ölkəmizdə heç kim siyasi baxışlarına görə izlənilmir. Bir zamanlar müxtəlif partiyaların və təşkilatların üzvləri olmuş, lakin sonradan konkret cinayət əməlinə görə məsuliyyətə cəlb edilmiş şəxslər var. Onların heç biri siyasi baxışlarına görə mühakimə edilməyib”, – M.İbrahimqızı qeyd edib.

Ulus.Az



Oxunub: 3479



Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi
  • Aktual

  • Sizin reklam yeriniz

  • Ən çox oxunanlar

  • Sizin burada reklamınız ola bilər

Direktor: Xəyyam Salmanzadə
Tel: (050) 210-27-35
E-mail: [email protected]