Ölkəni qarışdıran nazir, general və komitə sədrinin “qələmi qırılır” - gözlər prezidentdə!!!

Ölkəni qarışdıran nazir, general və komitə sədrinin “qələmi qırılır”
Ötən həftənin gündəmdən düşməyən hadisəsi Baş nazirin müavini Əli Həsənovun nəvəsi ilə fövqəladə hallar naziri Kəmaləddin Heydərovun qardaşı Səməd Heydərovun “maşın şou”suydu...

İki nəfərin ölümü, iki nəfərin ağır yaralanması ilə nəticələnən ağır qəza və “Qalendvagen terroru” bir çox qaranlıqlara işıq saldı.

Ulus.Az-ın Analitik Şöbəsinin əldə etdiyi məlumata görə, bu olay məmur balalarının qudurğanlığı, harınlığından irəli gələrək vəzifəli şəxslərin postlarını itirmək təhlükəsinə səbəb olub.

Prezident əvvəldən bəyan etmişdi ki, quruğanlıq edən məmur balası cəzalanacaq, həbs ediləcək, atası işdən atılacaq.

General Novruzəli Orucovun nümunəsi isə dərs olmadı və getdikcə tendensiya halını alan məmur balalarının özbaşınalığı ilə bağlı ciddi ölçülər götürülməyə başlanıb.

Saytımıza sızan məlumata görə, prezident İlham Əliyevin nəzarətə götürdüyü bu hadisə üç iri fiqurun postunu möhkəm laxladıb.

Belə ki, Nail Allahverdiyevin törətdiyi qəza babası olan “Qaçqınkom” sədri Əli Həsənov, qayınatası - Dövlət Sərhəd Xidməti rəisi, general Elçin Quliyev və FHN rəhbərinin mövqelərini zəiflədib.

İndi bütün nəzərlər ölkə başçısına dikilib və prezidentin hansı qərarlar verəcəyi gözlənilir.

Bu arada məlum olub ki, Ə.Həsənovun nəvəsi N.Allahverdiyevin “Qalendvagen”i ilə ötüşən “Mazda”nın sürücüsü K.Heydərovun qardaşı S.Heydərovun bacanağının övladıdır.

Report.az yazıb ki, 99 FS 777 dövlət nömrə nişanlı “Mazda” avtomobilinin sürücüsü Mirməhəmməd İsmayılov Nərimanov Rayon Məhkəməsinə aparılıb. M.İsmayılov bir ay müddətinə inzibati həbs cəzasına məhkum edilib.

“Maqa” ləqəbi ilə tanınan M.İsmayılov Bakı şəhəri, Nəsimi rayon Polis İdarəsinin Dövlət Yol Polis Şöbəsinin sabiq rəis müavini, polis mayoru Əlövsət İsmayılovun oğludur.

M.İsmayılovun qardaşının Nəsimi Rayon Polis İdarəsinin 20-ci Polis Bölməsində çalışdığı bildirilir.

Ulus.Az-ın Analitik Şöbəsinin əldə etdiyi məlumata görə, iki gənc məmur balasının qudurğan hərəkəti, ölümlə nəticələnən “yol terroru” heç də onların həbsi ilə kifayətlənməyəcək.

İstisna edilmir ki, Ə.Həsənov, K.Heydərov və E.Quliyevlə bağlı prezidentin hansısa qərarı olacaq.

Hətta onlar vəzifəsindən azad edilməsələr də, ciddi töhmət alacaqları şübhə doğurmur. Çünki bu üç məmurun yaxın ətrafında harınlamış gənclər bütün ölkəni qarışdırıb.

Hazırda ictimaiyyət, mətbuat, sadə insanlar məmur övladlarının qudurğan hərəkətlərindən danışır.

Prezident məmurları sadə olmağa, övladlarını təvazökar aparmağa çağırır, “Naz lifan” sürməyə dəvət edir. Amma onların uşaqları milyonluq avtomobillərlə şəhərin küçələrində şütüyürlər.

Nəticədə zərbə həmin vəzifəli şəxslərə dəyir. İndi nazir, komitə sədri və generalın başı üzərində qara buludlar dolaşır.

Cəmiyyətin gözləntisi E.Quliyevin kürəkəni, Ə.Həsənovun nəvəsi olan Nailin cinayəti, K.Heydərovun qardaşının bacanağı oğlunun həbsi ilə bağlı adıçəkilən vəzifəli şəxslərə hansı cəza veriləcəyidir.

Əli Həsənov faciəyə səbəb olan qəza barəsində danışmaq istəmədiyini deyib: “Mən heç nə danışmaq istəmirəm. Mənim adımın mediada gündəmə gətirilməsinə gəlincə, hüquqi ölkədə məsuliyyət fərdidir. Çox istərdim ki, media nümayəndələri də bunu başa düşsün. Başqa deyəcəyim bir şey yoxdur”.

Görəsən, məsuliyyətin fərdi olduğunu deyən komitə rəhbərinin nəvəsi kasıb övladı olsaydı belə qudurğanlıq edərdimi? Ona bu tərbiyəni kim verib? Hansı pulla o maşını alıb? Təbii ki, suallar çoxdur, cavablar isə yoxdur və Ə.Həsənov susur...

Gələn son xəbərlərə görə, artıq yuxarı dairələrdə ciddi müzakirələr gedir. Məmur balalarının qudurğan hərəkətlərinin davamının gələcəyi barədə fikirlər səslənir və lazımi tədbirlər görülməsi üçün sərt cəzalar verilməsi təklif olunur.

Prezidentin nəzarətində olan bu məsələ ilə bağlı Ə.Həsənov, K.Heydərov və E.Quliyevin barəsində hansı qərarlar veriləcəyi maraqla gözlənilir.

Ulus.Az



Oxunub: 3757



Fikirlər


Şərh bildir
(Şərh yazarkən oxucular dini, irqi, milli ayrı-seçkiliyə yol verməməli, insan şəxsiyyətinə toxunacaq qeyri-etik ifadələr işlətməməli, ölkə qanunvericiliyinə zidd çağırışlar etməməlidir. Əks halda belə şərhlər ya redaktə ediləcək, ya da ümumiyyətlə, sayta buraxılmadan silinəcək.)
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəngin seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoylerin yerləşdirməsi
  • Aktual

  • Sizin reklam yeriniz

  • Ən çox oxunanlar

  • Sizin burada reklamınız ola bilər

Direktor: Xəyyam Salmanzadə
Tel: (050) 210-27-35
E-mail: [email protected]